انت طائفي ؟؟؟؟ اذا انت مريض ومجرم

كل الاديان السماء حرمت القتل وحرمت التكفير وحرمت الفرقه ..كل الاديان ..
اذا انت طائفي فانت مجرم ووبيك وساخه لو مياه الامطار كلهه تسقط عليك متنظفك
اذا انت طائفي وتكفر غيرك والله لان خالفك برأي فانت انسان بيك عجز بالعقل وكلشي متعرف بالدين
اذا انت طائفي ومن ينقتل ابن الطائفه الثانيه تكول حيل فانت جبان ...
اما المصيبه الاكبر اذا فرقت امة محمد علمود اشخاص فانت كافر وشيطان ..
تعرف مرات كلمة الانسان يدخل بيها جهنم ...وانت تكفر وتسب واحتمال تأزر بقلبك القتل _(ليس المؤمن بالسباب ولا اللعان ولا الفاحش ولا البذيء)
من اجل هاي الظروف الصعبه اللي دنمر بيها ..ومن اجل المسوخ اللي تحاول تزرع الطاءفيه وتقتل الشباب على الهويه ...خلينا نتعاون ...حتى ننشر الوحده ..خلينا منعيد مصايب 2007 و2008...احجي ويه اهلك وجارك واصدقائك وولدك ..وعي الناس ..والله الدين واحد والله واحد ...
لا للطائفيه والتهجير والقتل على الهويه ...لا لكم ايها المسوخ البشريه ...تحياتنا الاهل البصره الشرفاء اللي طلعوا مظاهره للوحده .ذوله ملائكه اللي منهم قليل يحجون كلمة الحق وميخافون ..كافي طائفيه وخلي ابن البصره يشتغل بديالى وابن ديالى بلبصره ..هيج جنا وهيج ربينا وهذا دينا ....واللي يحجي غير هذا الحجي هو مو من الدين بشي ..



لا تأسفن على غدر الزمان لطالما
رقصت على جثث الاسود كلاب
لا تحسبن برقصها تعلو اسيادها
تبقى الاسود اسود والكلاب كلاب